يقول ابوحسين صالح عادنا عند شرطي          =          ومبدئي باشتراط

لي قلب سالي وطول الوقت بمشي بخطي         =          من حيث به لحتياط

حل الزجى كان وقت النط يالرجل نطي            =          والحيد لنصب تواط

انسان شيبه ومن شيب براسة توطي             =          وقل فيه النشاط

ولا هرج قالوا ان هرجه جرادم وحلطي           =           ما يمتئط بالقراط

خلاص يالقلب لا عادك مولع بنشطي             =           مالك ومال الصفاط

ولكن القلب ماتقنع بيفتش وغطي                =          وقام من علبساط

يامرسلي من وطن ذي ناخب اسرح بقشطي     =          قم واحتزم باقتشاط

من واد غرس المجاني بن ملقوط لقطي         =          بكل جربه وحاط

سفر مع المرشدي واسرح ولا اشتيك تبطي     =          باسي عليك احتياط

لما تحصل عند ابولوزه وناوله خطي            =          ذي به حروف النقاط

الخالدي ذي مع وجه بيجزع ونطي              =          ما يلتفت للوساط

عليه سلم عدت ما يكتبه كل نقطي               =          بالعطر ذي بالشناط

وقله اني عزمت اجزع معك واتشطي            =          ودفئك بالخطاط

كملت حرف الالف والياء كمل ويش تعطي      =          بشهد صاحب حباط

ما باقي الا معك ابجد وهوز وحطي              =          لنته اتجي من حطاط

وان عادك اتجزع المواة فزكن بضبطي          =           من حيث به لنضباط

تعوذ ابليس والشيطان كبه بسخطي             =           ينزل عليه السخاط

وماشي التام لا هنجمت فوقك بحمطي           =           ذبيكهن بالحماط

بيفوت وقتك لوا قدمت بالنصح بنطي            =          كله هواء وافتراط

عاشي معك شي نصائح ذي بها ذوق طرفي     =          تنفع نهار الصراط

وان كان ماشي كثر خيرك من الصوب تخطي    =          خذ لك مكينة خياط

لا ماشكركه بذا الموسم بما جاب وعطي         =          حسنك لاكل الطماط

من شان ترتاح واشائف كما كل بسطي          =          ذي علفرش والبساط

واحزيك من تسعة اخوه كل واحد عونطي       =          بالارتفاع انحطاط

والعاشر انه معاهم ذي بينسف وبطي            =          ماهيه فراسل بطاط

لا عطل عطل التسعة بمسوق وخبطي           =          وامسوا وهم باختباط

والطيبه ذي بتامرهم وهي تحت ضبطي         =           محجبه بانضباط

وباطله بالمتاعب لخلسه كل ربطي              =          وافتك عنها الرباط

ختمتها بالنبي ذي به بينزاد نشطي             =          ذكره بقلبي نشاط